Philippine E-Journals

Naratibisasyon at Dramatisasyon ng Negatibong Pamumuhay na Masisilip sa mga Kontemporaneong Premyadong Sugilanon (Paglihis sa Nakaugalian at Pag-iwas sa Pagiging Istiryotipo)

Erwin Sustento

 

Abstract:

Pagtatampok ng mga hindi kanais-nais na pag-uugali ng mga tao na namagitan sa Rehiyon VI sa pamamagitan ng mga halaw na tekstong nailimbag ng mga manunulat na Ilonggo sa kontemporaryong panahon. Layunin ng pananaliksik na maisa-isa ang mga hindi kanais-nais na pag-uugali ng mga tauhan sa nasipat na mga sugilanon at nais bigyang halaga sa papel na ito na ang kabutihang taglay ng mga tauhan ay higit na napapalitaw sa pamamagitan ng mga taliwas na gawi na naipapamalas ng iba pang kasangkot na tauhan sa sugilanon. Konsepto ng Dating ni Lumbera (2000) ang ginamit na teoryang batayan sa pagsusuri kung saan pinapahalagahan ng mananaliksik ang estetika ng teksto at palarawan ang metodong ginamit sa pag-aaral na ito. Kabilang sa mga nasipat na hindi kanais-nais na pag-uugaling naitampok sa mga sugilanon na sinangguni ay ang: nagpapaniwala sa herbularyo, pang-aabuso sa asawa ng isang bana, pagpatay sa miyembro ng pamilya, masyadong pagpapalitaw ng isang babae ng kanyang damdamin sa halip na isip, hindi pagrespeto ng isang manugang na babae sa tradisyon at kultura isang namatay, pagasa ng maka-kaliwa, kanan at ibang miyembro ng lipunan sa kita ng iba, hindi pagbibigayimportansiya ng isang anak sa edukasyon, ang pagkawala ng puri ng isang babae bago siya ikasal, ang panghihimasok ng isang mayaman sa gawain ng simbahan at ang palagiang pag-iwan sa sariling bayan. Batay sa resulta, ang mga negatibong pag-uugali na ito ay naitampok upang palitawin ang katingkaran ng isang bida sa sugilanon.