Ang Hirap at Ginhawa sa Mapanghamong Pamumuhay ng mga Maralitang Mag-asawang Pilipino sa Gitna ng Pandemya

Glenmark  B. Villanueva,; Ma. Angelica Blessing  Agaid,; Joshua Mari  B. Lumbera,; Arlene  P. Gloria,

Ang Hirap at Ginhawa sa Mapanghamong Pamumuhay ng mga Maralitang Mag-asawang Pilipino sa Gitna ng Pandemya

Glenmark B. Villanueva | Ma. Angelica Blessing Agaid | Joshua Mari B. Lumbera | Arlene P. Gloria

Discipline: counselling, psychotherapy and occupational therapy

Abstract:

Malaki ang epekto ng pandemyang COVID-19 sa pamumuhay ng mga Pilipino, partikular na ng mga maralita. Naging mas mapanghamon ang kanilang pamumuhay, kaya naman kataka-taka kung papaano nila sinusubukang kamtin ang ginhawa— katutubong konseptong Pilipino. Ang interes na ito ang nagtulak sa amin upang alamin kung paano namumuhay ang mga maralitang magasawang Pilipino sa pandemya, tuklasin ang kanilang konsepto ng hirap at konsepto ng ginhawa, at unawain kung paano makamit ang ginhawa. Nagpakuwento kami sa walong pares ng maralitang mag-asawang Pilipino sa Cabuyao, Laguna. Ang mga datos ay sinuri sa pamamagitan ng KJ analysis. Lumabas na sa kasalukuyan, sila ay namumuhay nang may pangamba sa kalusugan, naiipit sa pagdedesisyon sa dalawang bagay, mas nakararanas ng kagipitan, at umaangkop sa mga pagbabagong dulot ng pandemya. Natuklasan ding ang hirap ay nagmumula sa kawalan ng hanapbuhay, kagipitan, at hindi magandang relasyon sa kapwa, at nararanasan kung may kabigatan ng loob; at ang ginhawa ay nagmumula sa payak na pamumuhay, hanapbuhay, kawalan ng sakit, at maayos na relasyon sa pamilya at kapwa, at nararanasan kung may panatag at maluwag na loob. Natuklasan din na ang pagkamit ng ginhawa ay nakabatay sa konsiderasyon sa ilang mga salik sa kontrol ng tao. The effect of the COVID-19 pandemic on the lives of the Filipinos is evident, particularly on poor families. Their lives became more challenging, which sparked our curiosity on how they try to achieve ‘ginhawa’— an indigenous Filipino psychological concept. This interest pushed us to conduct the study; we sought to know how do poor Filipino married couples live in the pandemic, discover their concepts of ‘hirap’ and ‘ginhawa’, and understand how to achieve ‘ginhawa’. We used pagpapakuwento among eight pairs of poor Filipino married couples in Cabuyao, Laguna. Then, the data were analyzed using KJ analysis. Analysis revealed that currently, poor Filipino married couples live with fright for their health, are stuck in deciding between two things, have tighter budget, and are coping to the changes brought by the pandemic. We also found out that ‘hirap’ may be a result of losing their ‘hanapbuhay’, living with a tight budget and having conflicts with their ‘kapwa’, and is experienced through ‘kabigatan ng loob’; for ‘ginhawa’, it may come from living a simple life, having a ‘hanapbuhay’, being healthy, and maintaining good relationships with their families and ‘kapwa’, and is experienced through ‘panatag at maluwag na loob’. We also discovered that to achieving ‘ginhawa’ is based on few considerations related to a person’s control.