Dalumat Ng/Sa Gunita At Hugot Sa Mga Piling Awitin Ng Cup Of Joe: Isang Pag-Aaral Sa Kultura At Damdaming Pilipino

Joven   B. Makiling,; Ma. Elvielyn  Francisco,; Mikael Dominic  Herbert,; Tosca Francesca  Nigos,; Chloe Maike Dar  Santos,

Dalumat Ng/Sa Gunita At Hugot Sa Mga Piling Awitin Ng Cup Of Joe: Isang Pag-Aaral Sa Kultura At Damdaming Pilipino

Ma. Elvielyn Francisco | Mikael Dominic Herbert | Tosca Francesca Nigos | Chloe Maike Dar Santos | Joven B. Makiling

Abstract:

Sinusuri ng pag-aaral na ito ang pagdalumat sa gunita at hugot sa piling awitin ng Cup of Joe bilang salamin ng damdaming Pilipino at kultural na pagkapit sa nakaraan. Nilalayon nitong tukuyin ang mga pangunahing imahen, simbolo, at temang lumilitaw sa liriko ng mga awitin at ipaliwanag kung paano nagiging daluyan ang musika ng alaala, pananabik, pagkawala, panghihinayang, at paghilom. Gumamit ang pag-aaral ng kwalitatibong disenyo sa pamamagitan ng thematic analysis ng piling awitin ng Cup of Joe, kabilang ang Multo, Pahina, Hinga, Ikaw Pa Rin ang Pipiliin Ko, Nag-Iisang Muli, Estranghero, at Mananatili. Ginabayan ang pagsusuri ng Cultural Memory Theory at Symbolic Interactionism upang maunawaan ang mga liriko bilang simbolikong teksto ng personal at kolektibong damdamin. Lumitaw sa pagsusuri ang tatlong pangunahing tema: gunita bilang pasang damdamin, pagnanasa at hindi ganap na pagsasara ng damdamin, at sentimentalidad at nostalgia. Ipinakikita ng pag-aaral na ang mga awitin ng Cup of Joe ay hindi lamang popular na libangan kundi sisidlan ng mga karanasang emosyonal na nag-uugnay sa personal na alaala at kultural na damdaming Pilipino. Iminumungkahi ng pag-aaral na palawakin pa ang pagsusuri sa iba pang OPM artist at sa pagtanggap ng kabataang tagapakinig sa hugot music.

References:

Assmann, J. (2004). The cultural memory: Writing, memory of the past, and political identity in the high cultures of antiquity [Kulturnaya pamyat: Pismo, pamyat o proshlom i politicheskaya identichnost v vysokih kulturah drevnosti] (pp. 35–50). Yazyki Slavyanskoi Kultury.
Baumgartner, H. (1992). Remembrance of things past: Music, autobiographical memory, and emotion. Journal of Consumer Research, 19, 614–620.
Braun, V. a. (2007). Using Thematic Analysis in Psychology: Qualitative Research in Psychology, 3, 77–101
Belfi, A. M., Karlan, B., & Tranel, D. (2015). Music evokes vivid autobiographical memories. Memory, 24(7), 979–989. https://doi.org/10.1080/09658211.2015.1061012
Culajara, C. L. (n.d.). Exploring the impact of emotional congruence in music on memory recall of university students: An experimental study. ResearchGate.
Lano, E. M. C., Chua, V. K. Y., Monsalud, G. B., Villaflor, S. I. D., & Cortez, R. G. C. (2023). “Uso pa ba ang OPM?”: A semantic analysis of Original Pilipino Music (OPM) songs preferred by Filipino youth.
Lanuza, G. (2003). The mediatization of Filipino youth culture. Global Media Journal, 2, 1–34.
Maceda, T. G. (2007). Problematizing the popular: The dynamics of Pinoy pop(ular) music and popular protest music. Inter-Asia Cultural Studies, 8(3), 390–413.
Martin, J. (n.d.). The vernacular as method for memory and time: A philological and cultural exploration of Filipino concepts for memory studies. Archium Ateneo.
Musliu, E. (2019). The impact of music in memory. European Journal of Social Sciences Education and Research.
Snyder, B. (2000). Music and memory: An introduction. MIT Press.
Tupas, R. (2024). Ang pag-usbong ng P-pop bilang larang ng pananaliksik. Katipunan.