Philippine E-Journals

Para sa Negosyo o Kalayaan? Pagsipat sa Dayuhang Pagmamay-ari at Kalagayan ng Manggagawa sa Media

Dennis Espada

Discipline: Economics, Media studies and Communication, Development Studies

 

Abstract:

Layon ng artikulong ito na magbigay ng ilang tala hinggil sa pagsibol at pag-unlad ng tradisyunal na media sa Pilipinas gaya ng pahayagang nakaimprenta, radyo, pelikula, telebisyon at adbertaysing, kabilang ang makabagong media gaya ng pahayagang online at iba pang katulad. Ginalugad nito ang sumusunod na panahon: kolonyalismong Espanyol at bago ito, kilusang reporma at ang Katipunan, Guhit ng Tadhana ng United States, paghaharing militar, at kasalukuyang sitwasyon. Sinikap buuin sa pamamagitan ng balik-aral ang panimulang pagtalakay sa kasaysayan ng pagmamay-ari sa media, at ang mga interes sa ekonomiya at politika sa likod nito. Bukod sa pagbanggit sa mga nangungunang media conglomerates sa buong daigdig, hinimay sa artikulo ang epekto ng liberalisasyon sa balangkas ng globalisasyong neoliberal, at ang panukalang charter change para lubusin ang dayuhang pagmamay-ari sa media. Inilarawan dito ang papel ng mga maglilimbag sa kasaysayan ng kilusang paggawa at walang-maliw na pagtaguyod ng mamamayan sa demokrasya’t malayang pamamahayag, pati ang pagsiwalat sa unti-unting pagpatay sa mga manggagawa sa media sa pamamagitan ng kontraktwalisasyon at mabilisang pagpatay sa mga mamamahayag sa pamamagitan ng asasinasyon. Minarapat na tukuyin ang ilang mga kabiguan ng media sa pagtupad ng tungkulin at mga kahinaan sa mga pamantayan nito, kasabay ng pagbibigay-diin sa panawagan para sa Pilipinisasyon.